CANDU VA S'YINA PRIMVEARA

Ακολουθούν οι στίχοι του τραγουδιού:

cãnticu di zãmani/ancient song

Cãndu va s’yinã primveara oi lea fea’ lilici di tru mai;
Aidi sh’cu cãmpul di virdeatsã, voi lãi gionj armãtuladz;
Aidi sh’cu cãmpul di virdeatsã, voi lãi tiniri sh’alãvdats!

Ta s'iasã armãnjlji, armãnjlji n'sus tru munts', lilici di tru mai;
Aidi sh’acatsã un mari coru, voi lãi gionj armãtuladz;
Aidi sh’acatsã un mari coru, voi lãi tiniri sh’alãvdats!

Ta s'iasã sh’oili, oili atseali lãi, lilici di tru mai;
Aidi sh’cu clopatli di’asimi, voi lãi gionj armãtuladz;
Aidi sh’cu clopatli di’asimi, voi lãi tiniri sh’alãvdats!

Ta s'iasã sh’furlji, furlji ditu paduri, lilici di tru mai;
Aidi sh’cu tufeclji di’anumiru, voi lãi gionj armãtuladz;
Aidi sh’cu tufeclji di’anumiru, voi lãi tiniri sh’alãvdats!

(Πληροφορία από ένθετο)